لكل مامي طفلها بيبدل الحروف
ده حل بسيط ممكن تعمليه بنفسك في البيت معاه:
قبل كل شئ اتأكدي ان ما فيش مشاكل طبيه في اللسان زي مشكلة اللسان الملتصق او المربوط ..
لحل المشكله في المنزل :
اولا : حددي الحروف اللي بيحصل فيها الابدال ممكن السين ينطقها شين والراء ينطقها لام والجيم الف ، وهاخد حرف الجيم كمثال
ثانيا: حددي مخرج الحرف او الحروف اللي بيعمل ليها ابدال
في طريقة سهله الام تعرف بيها مخرج الحرف وهي انك تضعي سكون على الحرف (ج) اللي بيحصله ابدال وتضعي الف قبله
مثل (اج )
مخرج حرف (ج) من وسط اللسان
خلاص عرفتي مخرج الحرف ندخل على الحل
ثالثا: دربي الطفل على الحرف بمفرده ويكون بالفتح وتقولي للطفل قول (ج) انطقيها بالفتح وهو يكرر وراكي
بعدها هاتي كلمات فيها حرف الثاء في اول الكلمة (جمل - جبل- جزر )
بعد اتقان الطفل لنطق الحرف في اول الكلمة
هاتي كلمات للحرف وسط الكلمة مثال (فجل — فنجان -نجاح )
بعد اتقان الطفل لنطق حرف الجيم في وسط الكلمة
هاتي كلمات للحرف في اخر الكلمة ( ثلج - مهرج)
بعد كده هاتي جمل فيها الحرف وخليه ينطقها