Google مدونة الحضانة: الادوات المدرسيه وتنظيمها واللانش بوكس بالصور وديكورمكتب الطفل 2013-2014

الاثنين، 9 سبتمبر، 2013

الادوات المدرسيه وتنظيمها واللانش بوكس بالصور وديكورمكتب الطفل 2013-2014


كل سنه وكل اصدقائنا ومتابعى المدونة وزائريها بخير ويارب يكون العام الدراسي الجديد عام خير ونجاح وتفوق
فى مننا بدأ بشراء الادوات المدرسيه وفى اخر مستنى على اخر لحظه 
-اماكن بيع المستلزمات والادوات المدرسيه:
فى المولات الكبرى والهايبر ماركت والاسعار انت وحظك 
وفى المكتبات
وفى اماكن بيع بسعر الجمله واسعار ارخص من اى مكان
مثل حارة اليهود فى العتبه فى القاهره 

ده فيديو يمكن يوصلكم افكار جديده لشراء الادوات المدرسيه


-اللانش بوكس كتير بس انت بدور على اللى بتسهل حياتك 
Lunch Blox  Sandwich Kit




أفضل لانش بوكس وجدتها لان معها علبه الثلج الزرقاءBlue Ice pack لتحتفظ بالاكل دون ان يفسد

وانتوا عارفين الجو عندنا شكله ازاى فى الصيف
والاولاد بيقضوا ساعات طويله ممكن الاكل يفسد خلالها

ثانى ميزه بيتغسل فى غسالة الاطباق

ثالثا بتوفر مساحه لسهوله وضع اجزائها فوق بعض
رابعا سهلة الفتح للاطفال 
خامسا مميزه تنفع لكل الاعمار حتى ممكن زوجك يأخذها للعمل
سادس   ميزه بيدخل الميكروويف 

ممكن لاكل الاطفال وانتى خارجه 

هتلاقوها بتتباع كتير على الانترنت 
وممكن انت تعملى لانش بوكس مثلها من علب الثلاجه وتشترى فقط صندوق الثلج وتضعيه فوقها من أعلى وتغلقى حقيبة اللانش بوكس

حقيبه اللانش بزكس




الحقيبه المدرسيه:-
ان كان عندكم اطفال كثيرة ونفسكم فى اسعار وشنط متينه شوفوا الاماكن التى تبيع بأسعار أرخص مثل حارة اليهود اللى هتلاقوا فيها كل حاجه من شنط ومستلزمات دراسيه وملابس مدرسيه ايضا
اجعلى لها مكان محدد فى المنزل 
على شماعه 
او على رف
حتى لا تتعثرى بها 
وتجديها امام الباب دائما يلقيها طفلك

ادوات تنظيم الكتب والادوات المدرسيه:-
كل شي لو له مكان محدد وليس عشوائيا يضعه الطفل فى اى مكان )سيوفر لك ولطفلك الوقت والمجهود

بعد ما اشترين الادوات المدرسيه 
نيجى للحاجات اللى موجوده من السنه اللى فاتت اللى محتاجينه نخليه والباقى نتبرع بيه او نرميه
ونظف الادراج بحيث يكون بجوارك اكياس بلاستيك ضعى بها الاشياء التى لا تحتاجينها

اشترى عدد من البوكسات او العلب البلاستيك 
لترتيب الادوات التعليمية
ومنظم للملفات لتنظم الشيتات الدراسيه
كما بالصور



وحدة تنظيم مثل هذه او ما يشابهها فى الصورة التى اعلى هذا الكلام
ممتاااازة لحفظ شيتات المذاكرة او ورق المراجعات 
الاقلام الرصاص فى بوكس والالوان  فى بوكس اخر

ادوات الاعمال الفنيه فى بوكس صغير
والاستيكرات فى بوكس صغير
والالوان فى بوكس صغير
وادوات الرسم والجلو  فى بوكس صغير
الادوات الفنيه
والوسائل التعليميه(مثل الارقام والحروف من الورق المقوى)

ويمكنك عمل فولدرات من الكرتون لحفظ الكتب الدراسيه كل ماده منفصله عن الاخرى
بمعنى
كتاب الرياضيات مع كتاب الرياضيات الخارجى مع كتاب تمارين الرياضيات
كلهم فى فولدر او مجلد واحد.
وكتاب العربى وكتاب العربى الخارجى وكتاب التمارين العربى
كلهم فى فولدر او مجلد اخر.
وهكذا



ومن المستلزمات المدرسية:
الشوز والشربات والتوك للبنات والكابات للاولاد والجونتيات للشتاء والجواكت  وملابس المدرسة  ان لم يوجد بالمدرسه يونيفورم
اجعلى مكان منفصل تعلق به الكابات ان كانت كثيره 

الزمزميه اوكولمن الماء  :-
 تناول السوائل يحقق أداء مثاليا لعقل الطفل‏.., فكثير من الدراسات أظهرت أن تناول الماء يزيد من تركيز الأطفال بينما نقص الماء أو الجفاف يصيبهم بالإرهاق والعصبية فأنتبهى لذلك
ان كانت الزمزميه صغيرة وتنفذ بسرعه
احضرى واحده كبيرة السنه هذه
وياريت تكون بتحتفظ ببرودة الماء لفتره كبيرة.

تنظيم ملابس المدرسه:-
منظم الملابس على مدار الاسبوع ممكن تصنعيه بالسي دي القديمه كما بالصور
وكل طقم ترتبيه مع الاخر بمشبك
كملابس  الالعاب 
والسباحه ويونيفورم المدرسة .....وهكذا

هذه السي دي وجه وخلف

وهكذا سيكون لديك منظم لكل ايام الاسبوع تضعها لتنظيم الملابس 
منظم ملابس من القماش يوضع فى الدولاب او خارجه :-
منظم ملابس من الخشب
منظم ملابس ابيض فى جانب الصفحه من المعدن

بوكس الغسيل ضعيه بجوار الدولاب
شربات الاولاد افصليهاعن شربات الكبار
ويفضل بوكس شربات لكل طفل بجوار الجزامة 
حتى يختار شرابه صباحا ويرتديه دون ان يزعجك 

بكثرة الطلبات والوقت بيكون ضيق
مكتب للطفل:-
جهزى قبل بداية العام الدراسي مكتب اوترابيزه ثابته فى مكان
وفوقها ديكور بسيط يشجع الطفل على المذاكرة
بألوان جذابه







المصدر:مدونة الحضانه 
مصدر الصور:من مواقع متعددة
كلمات البحث:
اللانش بوكس
عودة المدارس - أفكار اللانش بوكس 
أفكار لانش بوكس الأطفال
حضرى لطفلك لانش بوكس لذيذ 
لانش بوكس المقسم روعه بالصور

ليست هناك تعليقات:

إرسال تعليق